Fitness, Spiu u Spass

ä buntgmixti Froueschar vo jung bis aut us Ersige u dr Umgäbig trifft säch jede Mänti ir Turnhalle z'Ersige zum sich z'bewege. 

mit polysportive Turnstunde, wo üses 5-köpfige Leiterinne-Team zämesteut, haute mir üs fit. Da drbi darf aber dr Spass nie z'churz cho. 

im Summer tüe mir üs duse bewege - entweder rund ums Schueuhuus oder gö ufne Velo- oder Walkingrundi. we Tage chürzer si u d'Sunne üs grad nid immer wärmt, bewege mir üs ir Turnhalle  u haute üs mit Chraft- u Usduurtraining, Aerobic, Linedance u Spiuäbe fit. 

ab u zue üebe mir ou fürnes Turnfest, wo mir üs i dr Sparte Froue/Manne i dä Diszipline Fit&Fun jewius tüe amäude.

hei mir dis Inträsse gweckt?
de chum ungeniert fürnes Probeturne id Halle - aui Froue si härzlech Wiukomme.

hesch du no Frage?
de mäud di ungeniert bir Präsidentin oder bir Houptleiterin.

Rafaela Elsig

Rahel Häberli

Edith Tanner